حبيبي نام على صدري

حبيبي نام ياعمري علـى صـدري وصارحنـي
وفض الصمت باحساسك وخلي الحب لـي يجـري

وفضفض لي يا بعـد عمـري وعاتبنـي وفهمنـي
أنا أطري على بالك كثر ما أنته علـي تطـري؟!

تعال أگرب من أحضاني تـرى خـدك مواعدنـي
يريد يلامس شغف روحي ويگطف بوحي من شعري

تعال أنثـر هنـا ليلـك وخـلي ويلـك يولعنـي
أنه أحبك وأريد گربك.. ترى مني گضـى صبـري

أنه نبضك زهر أرضـك وأنـته؟! ايـه تملكنـي
بنحل خصرك ..جمر ثغرك وزود بلونك الخمري

تتوهنـي .. تغرگنـي.. ومـن بـردك تدثرنـي
وتبچي لي وتشكي لي ولـه گلبـك ومـن سحـري

أريد دموعك مع أنفاسـك بصـدگ الـود تحرگنـي
وأريد عطرك مع سحرك وآآآآآآآآآآآآآآآهـك بالحشـا تسـري

أريد همسـك يبعثرنـي غـلا ولمسـك يلملمنـي
وأريد عيونك من عيوني تذوب من الولـع كثـري

وأريد عهدك مـع وعـدك وأريد كلـك تسلمنـي
وننعم فـي حضـن مـن العالـم وعـن دهـري

وتحييني بهلا شوگك .. حـلا ذوگك يشتتنـي
يلوعنـي ويأسرنـي ويملـك بالـغـلا فـكـري

أريد أيـدك تسافـر بـي وزهـر خـدك يلحفنـي
وأهيم بعالمك عاشگ جنوني أنت .. وانت بي تدري

تشوف الجمر بعيوني؟! تشوف الشـوگ جننـي؟!
أجل تدري مثل ما أدري بأنـك حلمـي يابـدري

حبيبي گوم وصارحني عـن احساسـك وعلّمنـي
أنا أطري على بالك ؟! كثر ما أنته علـي تطـري