الوداع

من طرف المهذب الإثنين أبريل 14, 2008 4:29 pm

وداعا يا غريب الدار رد وعود لديارك

وداعا كل غريب يعود كافي تصوغ بعذارك

وداعا عوفني بهمي واخذ وياك تذكارك

اخذ عمري اخذ روحي حرام اتماوج بنارك

وداعا يابحر قنطار منهو اليوصل اسرارك

انا كلبي سفينة شوك تاهت وسط تيارك

تققررنا نفترك هاليوم بين الاه والدمعه

ونذوب بنص طريق الشوك مثل النار واشمعه

مادام انت تصدك العاذل وحجي اللايم تسمعه

خساره يموت حبنا الفات يالحكم الفلك دارك

انا الماكصريت وياك رغم جفاك حبيتك

رغم هجرك رغم بلواك وافيتك

رغم كل ماتكول الناس عنك بايعك جيتك

وتاليها على الحبلين تلعب بافشل ادوارك

لاتزعل اذا مليت منك او خلص عمري

شلون تريد اظل ساكت وخنجر عذرك بظهري

الوب ومنطعن بحشاي واكتم لوعتي بصدري

انا بنص الحزن والضيم وانت الفرح سمارك

وداعا ياغريب الدار رد وعود لديارك

وداعا عوفني بهمي سقط من عيني دولارك

( هذه القصيده كتبه شاعر على حبيتبه الخاينه)
ارجو ان تنال اعجابكم
مع تحيات
المهذب

من طرف **Admin** الإثنين أبريل 14, 2008 4:34 pm

مشكوووووووووووووووووووووووووور حبيبي المهذب شلون متعجبنة

من طرف السفاح الثلاثاء أبريل 15, 2008 3:33 pm

مشكور على القصيده الحلوى الرائعه الف شكر المهذب الورده

الوداع

الوداع

رد: الوداع

رد: الوداع