الخيانه (صديق يخون صديقه من ورى بنت )

هذه القصيده تبدء بيت زهيري ويكول
ياليل امانه مع النسمات ودهلهم
مني سلام وكل الخير ود الهم
احنه بوادي صفينا وصفم وادي لهم
وياكلب انسه النسوك ومايونولك
لاصرت ماي الهم ولا هم يونولك
ابغض ضعهنم يخايب مايونولك
صارم لغيرك ومعد تحضه بودلهم

القصيده تكول
عفيه يناس اسمعوني عندي قصه صغيره هيه
اسمعوها للنهايه وتعرفون شصار بيه
قصتي اني ويا الحبيبيه ويا الصديق الخان بيه
جنت احب وحده وتحبني وللصبح نكعد سويه
اني اضحك وهي تبجي وامسح الدمعه بديه
شبيج اكله ؟ تكولي عفيه لاتبعد عليه!
وينكسر كلبي الغشيم الي على النيه
ألي وكعني بمصايب وبمشاكل وحشه هيه
وبمفارز حب دفعني واني ما شايل هويه
ويكلي لاتتركه تبجي حبه اكثر خطيه
اسبوع غبت اني عليه رادت تاخذني المنيه
تأخرت فتره كصيره شفكرت هاي الغبيه
تخابر لهاتف صديقي تخابره وتسئل عليه
صديقي يكله عوفي هذا عنده غير نيه
وهو اعز الاصدقاء واغلى من روحي عليه
وتالي ماتالي صديقي ويه الحبيبه يخون بيه
اترافكت هي وصديقي الجنت احبه حيل بيه
للحبيبه الخاينه الباعت هوانه المو وفيه
وللصديق المو وفي الخان الصداقه وغدر بيه
ومن كلب مظلوم يدعي كل ارد اقدملهم تحيه
هههو موجود ويسمع وهي تسمع ذيج هيه
لابقت عندي حبيببه ولاصديق بقت عندي بس عله خفيه
ومابقت بس دمعه تجري وادعي كل صبح ومسيه
وين الله ريت الله ينتقم من اعز اثنين اليه
اني الجرالي وصار ما اكدر احجي والله من اريد احجي خنزير ابجي
وسلامتك
ارجو ان ينال اعجابكم
اخوكم المهذب

مشكورررررررررررررررررررررررين شباب جميعا