اب ينصح ابنه ( دارمي)

الاب
يوليدي بين اثنين لاتحط روحك
خافن شرار الغيظ منهم يلوحك
الابن
يابويه ماحطيت روحي على شينه
بس لو شفت محتاج اركض وعينه
الاب
احفظ السانك دوم من النميمه
ولوشفت نبتت خير صير اله غيمه
الابن
يابويه لاتظن يوم ابنك وشه ونم
وانه الشفت اسرار بس الله يعلم
الاب
يوليدي سامح دوم حلوه السماحه
وصارح ولو مرات مره الصراحه
الابن
ابنك وتعرفه زينه طينه شتالي
سامحت ناس هواي مرمرو حالي
الاب
راعي الفضل والطيب واذكر جميله
وبالعضك لاتختار غير الجميله
الابن
يابويه انه بهاي لاتوصيني
بالعشك واطيبات ميزاني عيني
الاب
من كثر حب الناس حب امك الكاع
ولوشفت عالت عليك لاتغضب بساع
الابن
اتباه وفخر دوم لو كلت ابنك
وبدربي شمعه اتصير كل جلمه منك


ارجو ان ينال اعجابكم
اخـــــــــــــــــــــــــوكم
الــــــمــــــــهــــــــــــــــــــــــــــــــذب