طالب يصارح طالبه من الخوف اقره شنو كله

المصارحة
طالب وعايف دروسي وأقره أشـــــعار وجرا يــــــد
وعشك بنيه بقسمنا والقــــــلب بس ألها رايــــــــــد
هيه حلـــــوه هواية واني عمي شـــــلون واحـــــــد
بالفرن ناسيني أهلي وحتى لون عـــــيوني جـــارد
حاولت ألفت نضرها بكل وسيلة وماكــــو فايـــــــد
غيرت لبسي ومشيتي وفكري بالمـــودات شـــــارد
جللت شعري وصبغته ولبست حتى الكـــلايــــــــــد
كعدتني على ألحديده لابعـــــــت حــتى الحدايـــــــد
لاتـــــكلي ولا اكــــــلك بهدلتـــني والله شــاهـــــــد
هيه تدري بـــس خبيثة مــــــثوله والدلال بــــــارد
أنا نار بنص دليلي أخاف أصارحها وتــعــانـــــــد
مره أكول احجي معاها ومره اكولن خليني راكـــد
وين جانت ليه ربي جنت متـــــــونس وكـــاعـــــد
قررت لازم أبوح بحبي ألــهـــــا ومــا أحــأيــــــــد
بوري مابوري اسولف قابل مصارح مجــاهـــــــد
جيت وتقربت منها جسمي يرجف وحيل بايــــــــد
والضغط يمي تخربط مره نازل ومره صــاعـــــــد
كمت أتمتم كمت اعتعت كمت احس بلساني جامد
جني ســــــياره عتيكه وانكـــسر من عده كايـــــد
ردت افلت بعد مترهم كالت تفضل شـــــرايـــــــد
كلت عفوا من رخصتج بلكــي عندج قـــــلم زايد

ارجو تنال اعجابكم
اخوك المــــــــهــــذب

جميله جدا